Riba inisiativa di Entidat Públiko Boneiru i ministerio di Salubridat Públiko, Bienestar i Deporte (VWS) a disidí pa restrukturá kuido di laboratorio na Boneiru. Den e situashon nobo ta repartí e funshonnan di laboratorio entre BonLab i Fundashon Mariadal, ku komo meta pa logra un kuido di laboratorio mas efisiente, resiliente pa futuro i kualitativamente di balor haltu.
Aktualmente Fundashon Mariadal i BonLab ta trahando intensivamente huntu riba preparashon di e restrukturashon akí. Den e proseso akí enbolbimentu di e empleadonan ta sentral. Ta informá, konsultá i inkluí nan aktivamente den kada fase di e desaroyo. Nan konosementu i eksperensia ta esensial pa e kambio akí ta eksitoso.
Un parti di e preparashon ta tambe eksplorashon di un posibel integrashon funshonal di sierto tareanan, entre otro uso di personal. Sinembargo na e momentu akí no a tuma un desishon definitivo tokante traspaso di empleadonan di Fundashon Mariadal pa BonLab. Kaminda esaki ta aplikabel, ta enbolbí sindikato i otro stakeholdernan relevante tambe den e proseso akí. E kondishonnan laboral eksistente ta keda determinante.
Ámbos organisashon ta rekonosé e importansia grandi di nan empleadonan komo kargadónan di kalidat i kontinuidat. Pa e motibu akí enfoke riba hende i rèspèt pa tur esnan enbolbí ta puntonan di salida indispensabel den e proseso akí.