Fundashon Mariadal ta informá bo ku e poli di spesialista lo ta será henter dia riba djabièrnè 4 di aprel 2025. Esaki ta nifiká ku e dia ei no tin konsulta, i ku e poliklínikanan no ta alkansabel via telefòn.
E seramentu ta konta pa tur konsulta ku ta kai bou di e poli di spesialista, inkluso esunnan na otro lokalidat, manera:
- Poli di mucha
- Poli di wowo
- Poli di infekshon
Dikon e seramentu akí?
E dia akí ta den signo di un enkuentro interno ku tur empleado di poliklínika. E enkuentro akí ta forma parti di un trayekto di optimalisashon ku ta kubri henter nos organisashon, ku enfoke riba mehorashon di kalidat di kuido í e eksperensia di nos pashèntnan.
Den Fundashon Mariadal nos ta trahando riba un miho ruta pa pashènt: e ruta ku un pashènt ta kana – for di e promé kontakto te i ku e tratamentu. Durante e enkuentro akí huntu nos timnan ta evaluá i mehorá e prosesonan rònt di e trayektonan di kuido akí.
Ku esaki nos aspirashon ta pa logra:
- un guia mihó sinkronisá pa kada pashènt, for di inisio te na final di e kuido
- komunikashon klarito i na ora ku nos pashèntnan i entre e departamentonan
- kolaborashon fortifiká entre proveedornan di kuido interno í eksterno
Ku e paso akí nos ta invertí den kuido ku ta resiliente pa futuro, kargá pa nos balornan núkleo i e ambishon pa den forma kontinuo traha riba mehorashon, den kolaborashon ku nos pashèntnan i e profeshonalnan den kuido.
Nos ta gradisí bo pa bo komprenshon i koperashon.
For di djaluna 7 di aprel 2025 tur konsulta ta reanudá nan orario regular.
Pa pregunta urgente òf kasonan di emergensia, bo por tuma kontakto ku Fundashon Mariadal via: +599 715 – 8900.