Laboratorio di FM ta hasi tèst médiko di laboratorio pa Fundashon Mariadal i otro proveedornan di kuido na Boneiru. Bo proveedor di kuido ta determiná kua ta e tèstnan ku mester hasi.
Kiko bo ta bai laboratorio kuné?
- Un formulario di petishon kompletamente yená, riba kua tin menshoná:
- Bo nòmber kompleto i bo fecha di nasementu
- E disposishonnan ku nan a pidi, nòmber di esun ku ta hasi petishon, fecha i – si ta nesesario – informashon klíniko
- Prueba di identidat (pasport, sédula òf reibewijs)
- Pa mucha bou di 12 aña: akta di nasementu òf pasport i sédula di mayor/kuidadó
- Eventualmente material propio
- Kada pòchi ku muestra mester tin bo nòmber, fecha di nasementu, sekso i fecha di e tèst notá riba dje.
NB: Si ta nesesario, laboratorio ta duna material adekuá i informashon adishonal.
Mi mester ta na yuna?
Si bo mester ta na yuna pa prek sanger, ta konta lo siguiente:
- For di 23:00 or promé ku prek sanger bo no tin mag di kome ni bebe nada mas.
- Solamente awa òf te sin suku/lechi ta pèrmití.
- No ta pèrmití kòfi, lechi i otro tipo di kos di bebe.
Prek sanger na yuna ta posibel te 10:30 or.
Orario di laboratorio
Djaluna te ku djabièrnè: 06:30 or – 14:30 or Despues di 10:00 or mayoria biaha ta mas trankil.
Na unda mi mester ta?
Ora bo drenta na entrada prinsipal di hòspital: Drenta e hanchi na man robes. E laboratorio ta na mitar kaminda den e hanchi na bo man drechi.
Kontakto: +599 715 8900, ekstenshon 1610
Kompensashon i pago
- Bo ta sigurá na ZVK (ZJCN)? E ora ei nan ta kompensá mayoria tèst kompletamente.
- Bo no ta sigurá na ZVK (ZJCN)? E ora ei bo tin ku paga adelantá na resepshon.
Uso mas aleu di material di kurpa
Material di kurpa ku sobra despues di análisis, por keda usá den un forma anónimo pa investigashon sientífiko. E ora ei no por dedusí mas na kua persona e ta pertenesé.
Bo tin opheshon kontra esaki?
Indiká esaki ora di prek sanger. E ora ei nan ta pone un etikèt riba e tubunan ku e teksto:
“No usa esaki pa otro meta.”
Paga tinu: kada biaha ku bo prek sanger bo tin ku indiká esaki di nobo.