Informashon pa proveedornan di kuido

Sòru pa bo duna e pashènt un formulario di petishon kompletamente yená bin kuné.
E formulario akí mester kontené:

• Nòmber kompleto (fam i inisialnan)
• Fecha di nasementu
• Adrès
• Nòmber di esun ku ta hasi petishon
• E disposishonnan deseá i eventual informashon klíniko
• Si ta aplikabel: nòmber di e empleado di laboratorio ku ta hasi e prekmentu di sanger i fecha i ora ku a prek sanger

Preferibelmente ta hasi uso di un sticker di pashènt riba e formulario di petishon.

Pa prosesá e material korektamente, nos ta pidi bo pa paga tinu riba:

• Material korekto pa prek sanger (wak: sekuensia di tubu pa prek sanger)
• Sufisiente volúmen
• Identifikashon korekto (nòmber i fecha di nasementu)
• Kontenedor korekto di muestra (tubu/pòchi)
• Kontenedornan no mester ta lèk òf shushi
• Pa mikrobiologia: material steril no tin mag di ta mas bieu ku 48 ora
• Sin formulario di petishon nos no por prosesá e material

Si ta deseá esaki por ehekutá tèstnan adishonal riba material ku a tuma anteriormente, basta si:

• Tin sufisiento resto di material presente
• E término i e kondishonnan pa warda e material ta pèrmití esaki

Tuma kontakto telefóniko ku laboratorio pa konsulta.

Kímika klíniko

Pa petishon pafó di 07:00 or – 15:30 or ku no ta kai bou di e pakete di cito, aprobashon adelantá di un kímiko klíniko ta un eksigensia.

Mikrobiologia médiko

Pa petishon pafó di ora di ofisina, konsulta ku e médiko mikrobiólogo ku ta na warda ta nesesario.

Petishon pa Cito

Pa petishon di urgensia (cito):

• Menshoná bon kla riba e formulario di petishon ku ta trata di un cito.
• Ta prosesá solamente disposishonnan dentro di e pakete di cito ku urgensia.
• Resultado ta disponibel dentro di 60 minüt despues di a risibí e material.
• Ta faks e resultado i ta pasa esaki telefónikamente pa esun ku a hasi e petishon.