Dia 28 i 29 di mart a tuma lugá e congreso médiko akreditá di Doctors on Board den ouditorio di Fundashon Mariadal. Durante evento di dos dia akí, profeshonalnan den kuido for di den region a bini huntu rònt di e tema medisina aeronóutiko i kuido médiko na bordo di un avion.
E partisipantenan tabata entre otro dòkternan di kas, spesialistanan, enfermera(o)nan i timnan di air ambulance for di área karibense. Den seshonnan interaktivo i presentashonnan nan a kompartí nan eksperensianan i konosementu tokante tópikonan manera evakuashon médiko, kuido den altura, komunikashon entre kabina i na tera, i e desafionan práktiko di dunamentu di kuido den avion durante buelo.
E kongreso a ofresé un oportunidat úniko pa uni ekspertisio i fortifiká kolaborashon den kuido di emergensia regional.
Fundashon Mariadal a fasilitá e lokalidat i a duna sosten na e inisiativa balioso akí, ku a aportá na tantu kompartimentu di konosementu komo na fortifikashon di ret den e region di kuido karibense.
Por haña imágennan i un bista bèk via wèpsait i kanalnan di medionan sosial di Fundashon Mariadal.