Botika

Djaluna te ku djabièrnè: 08:30 or – 17:30 or (kontinuamente habrí, no tin pousa mèrdia)
Djasabra: 14:00 or – 18:00 or (solamente pa kasonan di emergensia)
Djadumingu i dianan di fiesta: Stand by pa e Pòst di Dòkternan di Kas i Ayudo di Emergensia
Telefòn: (+599) 715 – 8905 òf (+599) 715 – 8900, ekstenshon 1910

Djaluna te ku djabièrnè: 09:00 or – 11:30
Djasabra i Djadumingu: Sera
Telefòn: (+599) 715 – 8900, ekstenshon 1931

Sera

Bon biní na e botika di Fundashon Mariadal. Bo por akudí akinan pa buska remedi, pa pregunta tokante uso di remedi, pa resèpt di ripitishon i pa otro kuido farmaséutiko. Nos ta para kla pa bo ku konseho di eksperto i un servisio seif.

Nos ta hasi tur nos esfuerso pa tene e oranan di espera mas kòrtiku posibel.

E momentunan di mas drùk generalmente ta entre 16:00 or i 17:00 or.

Si ta posibel, bin pafó di e oranan akí pa nos por yuda bo mas lihé.

Bo ke evitá ora di espera? E ora ei hasi uso di nos servisio di ripitishon (wak aki bou) i sòru pa bo emailadrès i number di telefòn (selular) ta konosí serka nos. Ora ku bo risibí un mensahe di nos, nos por yuda bo mas rápidamente na e bali rápido.

Ora ku bo drenta, bo ta mèldu bo mes via e pilá pa saka karchi. Einan bo ta skohe un di e siguiente opshonnan:

A. Buska remedi
B. Partnernan di kuido
C. Bo a risibí un sms òf un email
D. Remedi pa kuido propio / Benta liber (sin resèpt)
H. Ròl di remedi (Baxter)

Despues bo ta bai sinta den sala di espera. Bo number ta sali riba e pantaya, huntu ku e number di bali kaminda nan ta bai yuda bo.

Paga tinu:

Opshon C ta pa ora ya kaba bo a haña un mensahe ku bo remedinan ta kla.
Opshon A ta pa ora bo ta bini sin notifikashon. E ora ei mester prepará bo remedi ainda, loke por dura un tiki mas largu.

Registrá pa nos servisio di ripitishon, di manera ku bo remedi króniko ta kla na tempu. Pa remedi nobo, remedi temporal i remedi ku sierto riesgo, e resèpt di ripitishon tin ku kana via e dòkter.

Sòru pa bo nòmber, adrès i lugá di biba ta kuadra.

Ora bo bin botika nos por pidi bo pa esakinan pa registrá bo korektamente den e sistema. Di e manera ei outomátikamente bo ta risibí un mensahe ora bo remedi(nan) ta kla.

Bo tin remedi ku bo no a usa òf ku a kaduká?

Entregá esakinan na un manera seif e siguiente biaha ku bo bin botika.

Nunka no tira remedi den baki di shushi, den baki di laba tayó òf den tualèt – esaki ta dañino pa nos medio ambiente.

For di 1 di aprel 2025 un tarifa di inskripshon di $ 15,- ta na vigor na momentu di un inskripshon nobo na botika.

E tarifa akí no ta aplikabel pa:

• Habitantenan temporal
• Personanan ku ta disponé di un sédula

Pafó di e orarionan regular nos ta entregá remedi di emergensia via e Pòst di Dòkternan di Kas i Ayudo di Emergensia.

E ora ei botika ta stand by pa sosten di kuido di emergensia.