Fundashon Mariadal ta sostené Pride Bonaire i ta pidi atenshon pa e konferensia di kuido ‘Nos t’ei den Kuido, anda ku hende di e komunidat di LHBTQI+ den kuido’, di kua Mariadal ta un di e organisadónan. Intenshon di e konferensia ta pa krea konsientisashon, kompartí konosementu i desaroyá abilidat pa ofresé kuido inklusivo na komunidat di LHBTQI+.
Den luna di sèptèmber Fundashon Mariadal ta organisá un ‘Siman di remedi’. Ku esaki e botikanan ku ta afiliá na Fundashon Mariadal ke hasi pashèntnan, pero tambe trahadónan den kuido, èkstra konsiente di kon pa anda ku remedi.
For di awe Botika Rincon ta habrí atrobe na e orario normal di 8:00 or – 12:00 or i di 12:30 or – 16:30 or. Durante e periodo tras di lomba e botika tabatin orario adaptá pa motibu di falta di personal.
For di awe 16:00 or habitantenan di Kas di Kuido por risibí bishita atrobe. Tambe e habitantenan di Kas di Kuido por partisipá atrobe na aktividatnan interno. Esaki ta konsekuensia di e medidanan eksitoso di kohorte ku nos a implementá dos siman pasá.
Fundashon Mariadal ta mèldu ku den nos instituto di kuido tin algun kaso di Covid i habrimentu di barika (diarea). Pa e motibu akí nos instituto di kuido ta anunsiá algun medida pa bishitantenan di tantu hòspital komo Kas di Kuido.