Fundashon Mariadal ta anunsiá ku e situashon rònt di e norovírùs den Kas di Kuido ta kompletamente bou di kontròl. E habitantenan afektá a bira bon i no tin notifikashon di kontagio nobo. Pa e motibu akí ku efekto inmediato a anulá tur medida di prekoushon.
Personal di kuido no tin mester di bisti medionan di protekshon personal mas i bishita ta kompletamente liber atrobe, sin ningun restrikshon adishonal.
Fundashon Mariadal ta gradisí tur empleado, tur habitante i tur famia pa nan pasenshi, koperashon i komprenshon durante e periodo tras di lomba. Danki na e esfuersonan konhunto nos a evitá mas plamamentu di e vírùs i siguridat di nos habitantenan a keda salbaguardiá.
Pa pregunta òf informashon adishonal, interesadonan por tuma kontakto ku Kas di Kuido via e number di telefòn regular.