Fundashon Mariadal ta informá bo ku den Kas di Kuido tin algun habitante ku a bira malu ku sakamentu i diarea. Serka tres habitante a konstatá e Norovírùs. E vírùs akí ta sumamente kontagioso i por plama pa medio di kontakto direkto ku superfisienan kontagiá.
Pa protehá salú di nos habitantenan, empleadonan i bishitantenan, nos ta tuma medida èkstra di prekoushon. Tambe nos ta pidi bo koperashon pa evitá mas kontagio.
Pa habitantenan di Kas di Kuido:
- Bishita ta keda posibel, pero ku medida èkstra di prekoushon.
- Laba bo mannan bon ku awa i habon ora bo yega i ora bo ta bai.
- Bo tin keho di stoma òf barika? E ora ei posponé bo bishita pa evitá plamamentu.
- Paga tinu: Te 2 dia despues di rekuperashon ainda por transmití e vírùs.
Kiko ta e Norovírùs?
- Un vírùs sumamente kontagioso ku ta kousa keho di stoma i barika.
- E ta plama pa medio di kontakto ku personanan òf superfisienan kontagiá.
- E síntomanan ta: sakamentu, diarea, walmentu di stoma, kentura i doló di barika.
Nos ta gradisí bo pa bo komprenshon i koperashon. Huntu nos ta sòru pa un ambiente seif pa nos habitantenan i bishitantenan.
Fundashon Mariadal