Prosedura di Keho Fundashon Mariadal

Fundashon Mariadal ta lucha pa por traha di forma mas profeshonal posibel i pa laga ekontaktonan ku nos organisashon kana mas lihé. Lo tin momento ku nos no a realisá loke ta spera di nos òf di loke por a spera di nos. Den un kaso asin’aki, entrega di un keho por brinda un solushon.

E prosedura di keho di Fundashon Mariadal ta destiná prinsipalmente pa restablesé erelashon entre e tur e partidonan konserní kaminda esaki ta nesesario pa medio di mediashon.

E funshonario di keho lo ta e promé persona di kontakto na momentu ku un keho drenta. Banda di e mediashon di e funshonario di keho, tambe tin e posibilidat pa e Komishon di kehonan atendé e keho.

Un bista riba algun karakterístika importante di nos prosedura di keho:

o E prosedura di keho ta grátis.
o Ora ta tuma i trata un keho, ta purba haña protehá e privasidat personal di e personanan envolví, mas tantu posibel.
o Kada persona ku ta envolví den e kaso di keho mester trata ku koutela. Tur informashon i dokumento ku keda entregá na nan ta kai bou di nan obligashon di konfidensialidat.
o E prosedura no ta pa trata reklamo. Kehonan ku ta enserá un reklamo òf ku por kondusí na un reklamo, mester wòrdu tratá segun e prosedura ku e aseguradó di responsabilidat di Fundashon Mariadal ta indiká.

Artíkulo 1 Kontenido di keho

Pa e keho bini na remarke pa wòrdu tratá, e mester ta relashoná ku kuido òf servisio di un òf mas persona ku ta laborá na Fundashon Mariadal komo un hospital, kas di kuido òf organisashon ku ta duna servisio médiko.

Artíkulo 2 Ken por entregá un keho

E persona ku su interesnan ta wòrdu afektá direktamente por entregá un keho, un representante di e persona aki òf si akaso e persona aki a fayesé, su herederonan direkto i / òf su (eks) kompañero di bida.

Artíkulo 3 Kon ta entregá un keho

3.1 Por entregá un keho di forma verbal serka e funshonario di keho. E datonan pa tuma kontakto ku e funshonario di keho ta wòrdu menshoná mas abou.

Tambe por entregá un keho por eskrito, dor di yena un formulario pa keho (disponibel na Papiamentu, Ingles, Spañó i Hulandes. E formulario ta optenibel na resepshon di Prosedura di Keho Fundashon Mariadal hospital, na e departamentunan di enfermeria i riba nos wèpsait www.fundashonmariadal.org.

Despues di yena e formulario por tir’é den e buzon na entrada prinsipal di hospital pa e Komishon di kehonan, por manda esaki via pòst na atenshon di Komishon di kehonan Fundashon Mariadal, Pòstbùs 359 Kralendijk, Boneiru òf por manda un i-meil pa klachtencommissie@fundashonmariadal.org.

3.2 Denter di un siman despues ku e keho verbal òf por eskrito drenta, e Komishon di kehonan ta manda un komprobante bèk pa indiká ku a risibí e keho.

Artíkulo 4 E funshonario di keho

4.1 E funshonario di keho ku ta tuma un aktitut independiente, ta drenta den kontakto individualmente ku e partidonan envolví manera ku e risibí e keho, pa chèk si nan ta deseá mediashon i si esaki ta posibel den e kaso.

4.2 Durante mediashon, e funshonario di keho ta trata na diskutí e malkontentu ku tin komo base pa e keho, den un kombersashon habrí entre e persona ku a entregá e keho i esun ku e keho ta regardá su komportashon. E personanan envolví por tin sosten / asistensia durante e kòmbersashon aki.

4.3 E keho ta keda trata ku mediashon di e funshonario di keho si e persona ku a entregá e keho indiká ku e ta sufisientemente satisfecho ku e kòmbersashon i ku e no ta deseá pa profundisá mas den e kaso di keho. E funshonario di keho ta registrá e mediashon.

4.4 E puesto komo funshonario di keho sin embargo no ta ekskluí ku e persona mester ehekutá otro tareanan, pasobra ta un kòntrakt di trabou e tin ku Fundashon Mariadal.

4.5 Den kaso ku konosementu personal di e persona ku ta entregá e keho òf ku e komportashon ku a kondusí na e keho ta stroba un aktitut imparsial, ta pasa e mediashon den man di un miembro di Komishon di kehonan òf di un persona ku e Komishon indiká.

Artíkulo 5 Komishon di kehonan, atendementu di e kaso

5.1 Den kaso ku no ta deseá mediashon òf no a yega na un resultado, e funshonario di keho ta manda e keho den man di e Komishon di kehonan. Durante e periodo aki, e funshonario lo keda e persona di kontakto pa esun ku a entregá e keho.

5.2 E Komishon di keho ta hasi un investigashon i ta kolektá e informashon nesesario, entre otro, si mester i si e persona ku a entregá e keho ta pèrmití esaki, tambe e ekspediente médiko. Tur persona ku ta laborá na Fundashon Mariadal tin en prinsipio obligashon pa koperá ku esaki.

5.3 E Komishon di kehonan ta duna tantu e persona ku a entregá e keho, komo esun ku e keho ta regardá oportunidat pa wòrdu skuchá. Esaki por tuma lugá di forma verbal òf por eskrito. E personanan envolví por hasi uzo di un sosten / asistensia si nan ta deseá esaki.

5.4 Atendementu di e kaso dor di Komishon di kehonan por yega na un dje próksimo resultadonan:

a) e keho no ta bálido1;
b) e keho no tin base;
c) e keho ta hustifiká.

E Komishon di kehonan por deklará un keho parsialmente hustifiká i parsialmente sin base tambe. E ta motivá e resultado i kaminda ta posibel ta duna rekomendashon huntu kuné.

5.5 E Komishon di kehonan ta duna un resultado por eskrito denter di ocho siman despues ku nan a risibí e keho. E Komishon di kehonan por prolongá e periodo aki indikando e tèrmino den kua lo bai duna un resultado na e persona ku a entreg’é keho i esun ku e keho ta regardá. E motibu(nan) pa kua ta prolongá tambe ta keda menshoná den e komunikado.

5.6 E Komishon ta duna e resultado na e persona ku a entrega keho, esun riba kua su komportashon e keho ta basá, e persona ku tin responsabilidat final riba e departamentu konserní i e Konseho di atministrashon.

Artíkulo 6 Konsekuensianan basá riba e deklarashon di keho

6.1 Un luna despues di a risibí e resultado di e keho, e Konseho di atministrashon di Fundashon Mariadal ta informá e persona ku a entrega keho, esun riba kua su komportashon e keho ta basá i e persona ku tin responsabilidat final riba e departamentu konserní, por eskrito, si lo tuma medidanan a base di e resultado aki si òf nò. Den kaso ku ta si, kua e medidanan ta.

1 E echo ku un keho no ta bálido ta por ehèmpel si esun ku ta entregá e keho, no ta niun di e personanan menshoná den artíkulo 2 òf si ta trata di kuido òf servisio duná dor di un otro persona ku no ta laborá na Fundashon Mariadal. Prosedura di Keho Fundashon Mariadal

6.2 Den kaso ku desviá for di e periodo indiká di un luna, menshoná den 6.1, e Konseho di atministrashon di Fundashon Mariadal lo informá i motivá na e personanan menshoná den 6.1, indikando e tèrmino den kua e Konseho di atministrashon lo hasi su punto di bista konosí na nan.

Artíkulo 7 E Komishon di kehonan: formashon, nombramentu, manera di traha i kapasidatnan

7.1 E Komishon di kehonan ta konsistí di tres òf sinku persona. E presidente independiente di e Komishon di kehonan ta un persona pafó di e organisashon. E otro miembronan di komishon ta trahadó nan di Fundashon Mariadal.

7.2 Miembronan di e Hunta Direktiva, Konseho di atministrashon, e komishon FONA (òf un komishon similar) i e funshonario di keho ta wòrdu ekskluí komo kandidato ku por ta den Komishon di kehonan.

7.3 Ta nombra un miembro di e Komishon di kehonan en prinsipio pa un periodo di 3 aña. Despues di esaki por bolbe nombra nan te un máksimo di dos biaha.

7.4 Un miembro di Komishon di kehonan teniendo kuenta ku e kondishonnan pa formashon, ta wòrdu nombrá i retirá dor di e Konseho di Atministrashon. Tantu na nombramentu komo na momentu di retiro, ta skucha e Komishon di kehonan, a lo ménos si ta trata di un kibramentu – pa kualke motibu- di e relashon di trabou ku Fundashon Mariadal.

7.5 Por kita miembresia di un miembro di Komishon di kehonan, den kaso ku e ta deskuidá su tareanan òf pa otro motibunan importante ku ta stroba e kumplimentu komo miembro di ta rasonabel manera ta spera. Un retiro asin’aki, mei mei di e periodo, ta tuma lugá dor di e Konseho di Atministrashon i ku rekomendashon di mínimo dos miembro di e Komishon di kehonan.

7.6 E Komishon di kehonan ta reuní por lo ménos 4 bes pa aña i tur otro biaha ku ta nesesario pa ehersé e tareanan bon.

7.7 Na fin di un aña (kalendario), e Komishon di kehonan ta entregá un relato di aña na e Konseho di atministrashon. E relato aki no ta kontené informashon ku por kondusí bèk na ningun persona individual.

7.8 E Komishon di kehonan ta kapasitá pa atendé kehonan ku a wòrdu entregá i ku no a yega na un solushon / resultado durante di mediashon.

7.9 Durante tratamentu di un keho, niun miembro di komishon riba kua su komportashon e keho ta basá, òf ku tin relashon ku e departamentu kaminda e keho a originá, no por partisipá

7.10 Den kaso ku e komportashon riba kua e keho ta basá, ta, tabata òf por kondusí na pago di daño i perhuisio, e Komishon di kehonan ta trata solamente e komportashon. Nan no ta duna sentensia tokante pago di dañonan hasí.

E prosedura di keho a bini na vigor den 2011 i a wòrdu adaptá na mei 2013. E por wòrdu modifiká òf kanselá dor di e Konseho di atministrashon di Fundashon Mariadal.


Fatal error: Function name must be a string in /home/content/45/8446645/html/wp-content/themes/ETHERNA_WP_v1.1/functions/js_override.php on line 1