Banner-COVID_Mariadal

Pa prevenshon i pa atendé ku COVID-19:
Fundashon Mariadal ta aktivá plan di kalamidat

 

KRALENDIJK — E realidat di e vírùs COVID-19 ta toka porta di Boneiru tambe. Den e kuadro aki Fundashon Mariadal a aktivá su plan di kalamidat. Resientemente Hunta di Direktiva di Fundashon Mariadal a aktivá e Tim di Maneho di Krísis pa atendé ku e krísis di COVID-19.

E enfoke di e aserkamentu pa e krísis dor di Fundashon Mariadal ta ku kuido agudo ta keda garantisá i ku Fundashon Mariadal ta kla prepará pa atendé ku kasonan di COVID-19 dado kaso esakinan presentá na Boneiru. Prevenshon ta importante pa pèrkurá ku e vírùs no ta haña espasio pa plama. Den e kuadro akí tambe, Fundashon Mariadal a trese kambionan nesesario pa garantisá salú di nos klientenan, nos bishitantenan i tambe nos empleadonan.

 

Tim di Maneho di Krísis

Presensia di COVID-19 a proba di tin efekto grandi riba komunidatnan i aun mas tantu pa nos grandinan. Bon preparashon i kambio di kustumber pa asina prevení su plamamentu ta esensial. E Tim di Maneho di Krísis di Fundashon Mariadal tin komo tarea  pa prepará i tuma desishonnan pa garantisá kontinuidat di e kuido ku ta nesesario i alkansabel, mirando e retonan ku COVID-19 ta trese kuné pa kuido di salú na Boneiru i na Karibe Ulandes.

 

Pa por hasi e ahustenan den Fundashon Mariadal mes, tin un tim operashonal ku ta realisando kambionan i medidanan nesesario den e instituto di kuido akí pa garantisa kontinuidat di e kuido nesesario i alkansabel.

 

Algun akshon i medidanan

Den e kuadro akí mester mira tambe akshonnan tumá ku tin impakto riba kuido duná na pashènt- i bishitantenan na Fundashon Mariadal. Mester tene kuenta ku e siguiente puntonan ku a drenta na vigor ku karakter inmediato:

  • Ta stop konsultanan regular ku spesialista pa kuido kurativo. Pues poliklinika regular di spesialistanan ta será. Pero na mes momento ta laga desishon den man di e spesialista ku ta atendé su pashèntnan. Pues konsultanan i kuido kurativo por tuma lugá ainda komo resultado di palabrashon entre e dòkter spesialista i e pashènt;
  • Bishita na pashènt ta keda limitá te na un persona. Esaki ta konta tambe pa Departamentu di Kuido Agudo, esta “Eerste Hulp”;
  • Empleadonan di Fundashon Mariadal ta tene nan mes na normanan nobo, por ehempel: lo no ekstendé man pa saludá;
  • Mas aleu ta enforsá kustumbernan di higiena, manera laba man regularmente;
  • Pa kuido duná na kas (Thuiszorg), ta bai bin algun kambio ku ta rekerí un kolaborashon mas amplio entre e dunadó di kuido i e famia ku ta yuda kuida e kliente na kas (Mantelzorg). Fundashon Mariadal ta hasi un súplika pa kooperá pa garantisá seguridat di nos enfermeranan ku ta duna kuido na kas.

 

Fundashon Mariadal mester di espasio i disponibilidat di su personal pa prepará nan pa nan ta debidamente kla pa por atendé kualke eventualidat. Banda di esaki Fundashon Mariadal tin e kompromiso pa tuma tur akshon ku ta kontribuí na mitigá riesgonan i pues kontribuí na prevení ku COVID-19 ta haña tera fértil pa plama i keda plamá den nos komunidat.

 

Voor preventie en aanpak Coronavirus COVID-19:
Fundashon Mariadal activeert calamiteitenplan

KRALENDIJK — De realiteit rond het Coronavirus COVID-19 klopt bij Bonaire aan de deur. Fundashon Mariadal heeft daarom in dit verband haar calamiteitenplan in werking gebracht. Recentelijk heeft de Raad van Bestuur van Fundashon Mariadal het Crisis Beleidsteam opgedragen de nodige maatregelen te nemen in het kader van de COVID-19 crisis.

De benadering van Fundashon Mariadal voor deze crisis beoogt de acute zorg te waarborgen en de instelling gereed te hebben voor het behandelen van COVID-19 gevallen, mochten deze zich voordoen op Bonaire. Preventie is van belang om te voorkomen dat het virus de ruimte krijgt om zich te verspreiden. In dat kader heeft Fundashon Mariadal dan ook noodzakelijke veranderingen ingevoerd om de gezondheid van onze cliënten, bezoekers en medewerkers veilig te stellen.

Crisis Beleidsteam
COVID-19 blijkt een grote impact te hebben op samenlevingen en des te meer op ouderen. Goede voorbereiding en wijzigingen in gewoonten zijn essentieel om verspreiding te voorkomen. Het Crisis Beleidsteam van Fundashon Mariadal heeft de taak om voorzorgsmaatregelen en beslissingen te nemen voor het garanderen van de continuïteit van de noodzakelijke en haalbare zorg, gezien de uitdagingen die COVID-19 met zich meebrengt voor Bonaire en Caribisch-Nederland.

Een operationeel team is de nodige veranderingen en maatregelen aan het realiseren om de continuïteit van de noodzakelijke en haalbare zorg te garanderen in deze zorginstelling.

Enkele handelingen en maatregelen

Het is in dit licht dat handelingen moeten worden bezien, die gevolgen hebben voor de zorg die wordt gegeven aan de klinische en de poliklinische patiënten van Fundashon Mariadal. Er moet rekening worden gehouden met de volgende punten die onmiddellijk van kracht zijn:

  • Alle reguliere consulten met specialisten voor curatieve zorg worden afgezegd. Dus, de reguliere polikliniek met specialisten is tot nader order dicht. Maar tegelijkertijd wordt de beslissing bij de specialist gelegd ten aanzien van de zorg voor zijn patiënten. Consulten en curatieve zorg zouden dus nog plaats kunnen vinden bij overleg van de specialist met zijn patiënt;
  • Bezoek aan de verpleeg en verpleeghuis afdelingen wordt beperkt tot één persoon per patiënt. Dit geldt ook voor de afdeling Eerste Hulp;
  • De medewerkers van Fundashon Mariadal houden zich aan de nieuwe voorschriften, bijvoorbeeld: er worden geen handen gegeven bij het groeten;
  • Verder worden de hygiënevoorschriften benadrukt, zoals regelmatig handenwassen;
  • Voor de thuiszorg zullen wijzigingen gelden die een bredere samenwerking vereisen tussen de zorgverlener en de mantelzorger (het familielid dat de patiënt helpt verzorgen). Aan de mantelzorgers zal worden gevraagd om hun gedeelte van de zorg toe te nemen. Fundashon Mariadal doet dit verzoek voor samenwerking om de veiligheid van onze thuiszorgverpleegsters te garanderen.

 

Fundashon Mariadal heeft de ruimte en ook de bereidwilligheid van haar personeel nodig om hen zó voor te kunnen bereiden dat zij volledig klaar kunnen staan voor het één of het ander in deze. Hierbij komt dat de Fundashon Mariadal de verantwoordelijkheid heeft om alle acties te ondernemen die bijdragen tot het verminderen van risico’s en zodoende het voorkomen dat de COVID-19 vruchtbare grond krijgt om zich te verspreiden en post te vatten in onze samenleving.